هادي واحد المرا بغات تركب طاكسي وهي تسول مولاه: بشحال أولدي كتدي لحي المقاومة؟
قال ليها: 15 درهم
قالت ليه: والسيكان؟
قال ليها: السيكان فابور
قالت ليه: إيوا هاك أولدي دي ليا هاد السيكان هاني غادي نلحق بيك على رجلي
2
هادا واحد عندو واحد الكتكوت مفترس. كيديرو مع الدجاج كياكل ليه الدجاج. دارو مع الحوالا خرج ليه على الحوالا. دارو مع البقر، لقاه فرتك ليه البقر. الراجل طلع ليه الدم وهي يدي داك الكتكوت رماه ف الصحرا
مللي دازو 3 ايام، الراجل بقى فيه الكتكوت قال يمشي يطل عليه. مللي وصل للصحرا لقاه مرمي ف الرملة والنسور كيحومو عليه. جرا عندو الراجل وقال ليه: مييييمتي الكتكوت ديالي مات
قال ليه الكتكوت : الله يعطيك الويل خرجتي ليا على البلان
3
هادا واحد المعلم قال للتلاميد دياولو: سولوني أي سؤال وإيلا ما عرفتش نجاوب عليه نعطيكم 100 درهم، وإيلا سولتكوم أنا سؤال وما عرفتوش تجاوبوا عليه عطيوني 50 درهم
الدراري تخلعوا حتى من المجتهدين. شوية ناض الدمدومة ديال القسم رفع صبعو وفرع للمعلم راسو حتى خلاه يهدر، قال ليه المعلم: زيد كاع أشناهو السؤال ديالك؟
قال ليه الكسول: أشناهي الحشرة اللي عندها 9999 رجل؟
المعلم عيا ما يفكر ما عرفش الجواب. وهو يعطي للكسول 100 درهم كيفما اتافقو
ناض المعلم سول الكسول: يالله قول لينا نتا أشناهي هاد الحشرة اللي عندها 9999 رجل؟
قال ليه الكسول: والله أودي ما عرفت، وهو يعطي للمعلم هاديك 100 درهم وقال ليه: هاك هادي، خود 50 درهم ورد علي 50 درهم ديالي
4
واحد راسو كبير كيبسال عليه ديما واحد البرهوش كيقوليه (ناري الى كنتي ملك) واحد نهار هو يشدو هداك ليراسو كبير هو يقولو (الى كنت ملك اشنو فيها ) قالو ديك البرهوش الى كنت ملك غادي تولي درهم بحال الصينية ههه
5
قال لك واحدة وصلت للقسم معطلة..قالها الاستاذ" أش هاد التعطال؟..جاوباته: كان تابعني واحد
كيبسال عليا
قال لها الأستاذ: إيوا راه خاص توصلي بكري ماشي تعطلي
جاوباته: لااا..راه كان كيتمشى بشويا
6
واحد مشا عند شوافة قا ل ليها بغيت تشوفي ليا واش نقدر نعيش 40 عام. قالت ليه واش كتكمي..قال
لا..واش كتشرب لا.واش كتبع دريات.لا. قالت وعلاش بغي تعيش 40 عام
دري بغا يمشي من طنجة عايم حيت غير 14 كلم... ضرب 7 كلم...عيا هوا يرجع
7
فار غادي .. سمع عرس... دخل ليه لقا عرس ديال المشاش... بات لعروسة شدو وقال لجوق: غنيو ليه يازربان على عمرو
8
هادا واحد مراتو خارجة عليه، ديما هو كيغسل المواعن .. واحد نهار جلس يعاود لواحد صاحبه جا هو قاليه هاد المرة ملي تدخل للدار مع الدخلة غوت عليها و قول ليها واش كاين شي غدا.
مشا هو دخل للدار و غوت بالجهد :حناااااااااااااان ... و هي ترد عليه بجهد كتار : ماااااااااااااااااااااااالك؟؟؟؟
قال ليها : كاين شي مواعن نغسلهم؟؟؟
9
اما هادا مشا تصور بين جوج حمير، وسيفط التصويرة لصحبتو ، و كتب ملاحضة في القاع : انا هو الموجود في الوسط
10
هدا واحد الراجل صحيييح دايما كيمشي عند البقال و كيقول له :اعطيني كوكا ولا .....؟ و البقال كيخاف منه و كيعطيهالو بلا فلوس
جا واحد النهار البقال طلع ليه الدم و قال مع راسو و الله اليوم ما نخاف منه و اللي بغا يكون يكون . ايوا جا عنده ديك الراجل و قال له عطيني كوكا ولا ...؟
جا البقال رد عليه :ولا شنو ؟؟؟؟ رد عليه الراجل و قال له: ولا فانتا .
موضوع: 10 نكتة مغربية 100/100 
الأحد مايو 16, 2010 1:36 pm
